準備o黎清邁玩又鐘意大自然o既你一定唔可以錯過茵他儂國家公園(Doi Inthanon National Park)，成個公園佔地達48,240公頃，海拔 800 米至最高點海拔 2,565 米，由於地理環境所造成o既優勢，令到公園o既生態相當豐富︰瀑布、洞穴、各式各樣o既鳥類。加上呢度真係太靚啦，泰王普密蓬早早就係公園設o左將來o既陵寢，所以一定唔可以錯過國家公園入面o既自然美景。之後會到國王皇后雙塔 (King & Queen Pagoda)參觀，係1989年既時候為o左紀念泰王同皇后60歲大壽而整；另外仲會分別去到苗族市場(Hmong Market)、Karen Village，可以睇到好多特色o既手工制品同埋一睹小村落果種風采；緊接著再遊覽埋瓦吉拉坦瀑布(Wachirathan Falls)、Siritarn 瀑布(Siritarn Falls)，其中瓦吉拉坦瀑布(Wachirathan Falls)高度約750米，親身參觀時場面會好震撼，大家記住影多d相啦！