冬季行程已完滿結束，夏季行程可瀏覽以下連結:

【開篷巴士】天際100+迪欣湖欣澳打卡+南環路日落一日遊

香港綠色旅遊推薦行程 – Chill遊迪欣湖、漫步欣澳影相打卡 + 機場觀景山親眼紀錄飛機迫爆停機坪 + 南環路欣賞秋冬日落，Open Top Bus開篷巴士沿途經過青馬大橋欣賞超開揚景色。

【Open Top Bus開篷巴士】

高成本租用源自英國的Open Top Bus開篷巴士，由尖沙咀出發、途經昂船洲大橋、青馬大橋到東涌。雖然大家已經行過好多次呢條路，但當你坐上開篷巴士欣賞沿途開揚景色，保證會有新鮮感及另一番感受，分分鍾可以拎返久違了嘅「真・旅行」感覺。

【迪欣湖大草地、欣澳打卡】

香港地少人多，市區搵個大少少嘅公園都有啲難。行程會有專車送大家去呢個遍遠大公園。呢幾個月係一年入面天氣最舒服嘅時候，一定要入去行下同埋去迪欣湖嘅大草地Chill 下呀。

欣澳相信大家平時都係去迪士尼轉車多，相信對好多人黎講，一定唔知佢係一個超正打卡地方。唔止有海景、仲有機會可以近距離影倒機場快線列車。有無印像大家去日本旅行都好鍾意影火車呢? 好想。。。去旅行！

【機場觀景山】

機場觀景山只有77米高，非常容易行。雖然上到去個景係好唔錯，但平時都唔算多人留意。點解我地行程會黎呢度呢？就係因為…可以睇倒真係百年都未必遇倒嘅奇景 – 機場停機坪泊滿飛機。雖然係一件傷心嘅事，但同處於同一時代巨輪下，都要去親眼見證一下。

【南環路日落】

臨到行程尾聲，返回市區前，我地會特別安排開篷巴士行駛機場南環路一圈，好彩既話，大家可以欣賞得到非常美麗日落，仲有機會可以較近距離影倒飛機架。