韓國親子遊人氣景點推薦行程 – 【親子遊最愛】塗鴉秀+草泥馬牧場+小王子村+義大利村+加平鐵路單車一天團

【塗鴉秀】
塗鴉秀將作畫過程原封不動咁搬上舞臺，直接呈現喺觀眾面前。將各種聲光音效、塗鴉技巧、搞笑互動等元素串連一齊，毫無冷場，而且因為係以肢體語言同表情代替言語溝通，所以唔識韓文都一樣冇問題。表演仲會將塗鴉技巧用幽默喜劇嘅方式呈現出來，仲會同台下觀眾有適當嘅互動，相信男女老少都會鐘意呢個行程！

【草泥馬牧場】
2017年開幕韓國最大嘅草泥馬牧場，牧場入面除咗有多隻可愛嘅草泥馬之外，仲有馬、山羊、兔仔、迷你豬等各種超可愛嘅小動物等住同大家一齊互動。大家去到除咗可以了解佢地嘅生活習慣、脾氣之外，仲可以近距離咁接觸親自餵食飼料。大家仲可以拖住溫馴嘅草泥馬一齊悠閒散步，欣賞叢林景色，簡直係集知識性與趣味性為一身嘅牧場之旅體驗，大人小朋友都啱玩架！

【小王子村】
熱門韓劇拍攝地嘅小王子村(小法國村)，以聞名世界嘅法國知名童話書「小王子」為主題打造，充滿濃厚法國色彩，由16棟法國式建築組成，遊客可以喺呢度體驗法國嘅衣食住行育樂文化等，仿如置身於法國一樣。而園區亦不時有木偶劇、音樂盒等表演供旅客欣賞，絕對係適合一家大小嘅行程。

【義大利村】
近年開幕韓國新景點義大利村，使用「木偶奇遇記」為主題，園區內色彩繽紛嘅建築充滿異國情調，仲擺放咗唔少具有義大利特色嘅擺設。每一道風景都能夠令人有種置身於異國嘅錯覺，非常適合打卡。

【加平鐵路單車】
一邊踩住單車一邊輕鬆欣賞北漢江周邊嘅風景，就算平時唔識踩單車嘅朋友都可以一嘗路軌上踩四輪單車既樂趣架！伴隨著一路田園風光，遠離喧囂，令人十分放鬆、心情愉悅。